منتديات ريكو رومانتك

منتديا ريكو رومانتك للترفيه
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 عينى عليك يا رغيف العيش

اذهب الى الأسفل 
كاتب الموضوعرسالة
shofolofa
ريكو نشيط


انثى
عدد الرسائل : 31
العمر : 24
تاريخ التسجيل : 02/07/2008

مُساهمةموضوع: عينى عليك يا رغيف العيش   الثلاثاء يوليو 22, 2008 5:26 pm

عينى عليك يا رغيف العيش
فيك علطول نازلين تلطيش
قلبى و روحى و عقلى معاك
إياك تغلى و لا ....تطيش
ريحة الردة تفحفح قلبى
سخن و طازة ..متقليش
قبلى و بحرى شرقى شمالى
أوعى تعيش فى شوال قراقيش
أوعى يا صاحبى من الطوابير
نيجى نزورك ..نلاقى مفيش
أمتى تروق أيامك يا بنى؟
أمتى رغيفك يبقى ياميش؟
حبه زحمه تفلفل قلبك
طوابير طعمة بجبنة قريش
و لا زمان يا رغيف العيش
خمسة بإرش فى صورة أفيش
يا فقير دوقة ..دوق الفرخة
راحت القمة و فضل الريش
فين أيام الصحة الردة
فين أيامك يا أبو كرانيش؟؟
أوعى تقولى الفرن ده زحمة
أوعى فى لحظة عجينته تهيش
مره صاحبنا وقف فى الفرن
عجبه الحال راح حطه فى نيش
يالا يا حمزة ..ياالا يا فتحى
يالا يا شوقى بدون تطنيش
خدلك دورفى الفرن يا صحبى
بالتقسيط و الباقى بقشيش
هات الكاميرا و صور لقمة
جوه طابور و أعملها فيش
ينفع أقدم واخد خمسة
و لا الحجز معاه شواكيش
خدلك صورة جوه الفرن
تبقى تتاله..زاوية بشيش
تيجى نزور متحف لفران
فيه العيش بآبيش بآبيش
طرى و محمص سن كمان
بلدى مفقع ..متخبيش
أيه رأيك فى ميدالية طرية
فيها رغيف و ياها طرابش؟
أيه رأيك لو نرسم بكرة
لقمه حزينة ما تأضيش
تتعلق على سدرك دايما
أو فى بطاقتك فى التحابيش
أيه رأيك لو نعجن عجنة
تتبعتر طراطيش طراطيش؟
تبقى و سام على القفص الفاضى
يملا العين فى الشيش و البيش
أوعى فى يوم ما تزورش الفرن
أوعى ف يوم تحلف ع العيش
أيه أخرتها يا حاج محمد
سرقة تهبش فى التهابيش؟!
و لا الحل عايز له كرته
فيها العمده و يا شاويش
و لا الفقر يسلم نمره
و لا نقوله روح متجيش
هو رغيف العيش مأساه
و لا صحبنا شعره كنيش
فين ربك يا معلم رده؟
سيبك ياللا من الزراكيش
عايزين مصر بلدنا ضمير
يكبر يعلى على التناتيش
لازم نقضى على الطوابير
لازم نعلى بدون تهويش
قلمى رسالة لكل شوال
عينى عليك يا رغيف العيش


تأليف:أستاذ محمد دسوقى (أبو عبد الرحمن و مريم)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عينى عليك يا رغيف العيش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ريكو رومانتك :: الفئة الأولى :: منتدى الشعر-
انتقل الى: